دا طلع بيوجع بجد يا جدعان

مكنتش اعرف ان الفراق بيوجع قوى كده

ومكنتش اعرف ان عشان الواحج ياخد قرار انه يبعد او يسافر

بيبذل كل المجهود ده وبيحارب نفسه عشان يقنعها انها تبعد

ما هيه لازم تبعد بش مش قادره تاخد القرار بالبعد

ده الموضوع طلع صعب قوى انك تبقى عارف ان فى حاجه انت المفروض تعملها ولازم تعملها بش مش قادر تقنع نفسك انك تعملها

انا عندى حل للموضوع ده

انت ممكن تعمل نفسك مش واخد بالك انك هتبعد

ابعد وانت بتضحك على نفسك باى كلام

متهيالى ده هيخفف الالم شويه

اكنك بتاخد مسكن عنى

عارفين ايه اللى بيوجع اكتر

اللى بيوجع اكتر انك عاوز تتالم بس مش المفروض انك تبين الالم ده

يعنى بمعنى ادق من بره هاللا هاللا ومن جوه يعلم الله

الحياه طلعت اصعب مما كنت متخيلاها زمان ايام البراءه

ايام ما كنت متخيله ان كل حاجه ممكن اخدها بشويه بجاحه واصرار

طلعت بتوجع قوى

طع انك لازم فى بعض الاوقات تبقى جبله ومعندكش احساس عشان تقدر تكمل

بس متكتمش جواك كتير عشان متفرقعش لازم كل شويه تطلع اللى جواك

الحب من تانى

احساس الامان

احساس الحب

احساس الطمانينه

كلها احاسيس حلوة

كل الناس بتدور عليها

فى ناس بتقضى عمرها تدور عليها وبتلاقيها

وفى ناس تقضى عمرها تدور عليها وتكتشف فى الاخر انها كانت بتدور فى الحته الغلط

فيضيع عمرها ومعاه قلبها وهيه بتدور

الحب

احساس من اروع ما يمكن

لما بنلاقيه بيبقى عندنا استعداد ندافع عنه باى خاحه

بس للاسف فى ناس بتلاقيه

ومش بتدافع عنه

فبيضيع من ايديها

وتكون النتيجه جرح لقلبها او قلب اللى قدامها

انا كل اللى كنت بتمناه انى احب بجد

واتحب بجد

واحس ان انا وهوه عندنا استعداد نعمل اى خاحه عشان نفضل مع بعض

بس للاسف انا معشتش الاحساس ده

يمكن الغلط كان منى انا

يمكن من اللى قدامى

معرفش بس كل اللى اقدر اقوله

انك لو حبيت بجد مش هتتخيل نفسك مع حد تانى غير اللى بتحبه

لو لاقيت نفسك فى حته تانيه مش معاه

يبقى انت محبتش

فمتستهلكش مشاعرك فى حاجه ملهاش لازمه

ومتستهلكش كلمه الحب فى المكان الغلط

عشان الكلمه دى متخلقتش غير عشان اللى بيحبوا بجد

مش عشان نصبر نفسنا بيها لحد ما نحب بجد

اشعر بذلك الاحتياج مجددا

ذلك الام مجددا

ذلك الشعور القاتل بالوحده بالرغم من وجود البشر

ذلك الاحساس القاتل بالرغبه فى البكاء والعجز عنه

ذلك الشعور بعدم الثقه بكل من حولى

ذلك الشعور بالرغبه فى الكلام والخوف منه

اشعر برغبه قاتله فى ان اجد احضان ارتمى بها

واذرع تلتف حولى

اصابع تمتد لتتلمس وجهى وشعرى

فتسقط دموعى التى هى مصدرها قلبى

فينظر اليها بكل حنان الدنيا

ويمسح دموعى

فاشعر بالطمانينه والامان

اللذان لطالما احتجت اليهما

احتاج اليك بشده

حبه فضفضه

احساس من اصعب ما يمكن
لما تحس ان فى حاجه جواك بتوجعك قوى بس مش قادر تعرف ايه هيا او حتى توصفها
احساس طال معاك قوى ومن كتر ما طال وصلك لمرحله انك مش قادر تعرف
هوه انت الصح ولا الغلط..
انت الطيب ولا الشرير..
هوه انت اللى بتجرح الناس ولا الناس هيا اللى بتجرحك..
وممكن تكتشف فى الاخر ان انت الغلطان او انت الشرير وانت اللى طول الوقت ده بتجرح فى الناس وواهم نفسك ان هما اللى بيجرحوك
الاصعب من الاحساس ده
انك تحس ان فى حد جاى من بعيد وبيبتسملك بيقولك انا هنا متخافش
انا هامسك ايديك وهاعديك
احساس الحزن والضياع اللى انت حاسه ده لايمكن يبقى موجود عندك وانا هنا
انا هنا عشانك انت وبس
وتجرى عليه عشان تترمى فى حضنه وتعيط
بس للاسف تكتشف انه سراب وهم فى خيالك انت وبس
وان الامل ده مكنش اكتر من مجرد الم جديد هاينضاف لمكتبه الامك
عشان يجدد جروحك القديمه وتتوجع من تانى
بس المرادى الوجع اقوى
والامل بيقل
والالم بيزيد
توصل لمرحله تبص فيها حواليك تلاقى نفسك مش قادر توصلها
ضايع وضايعه معاك نفسك
تحاول تفكر تلاقى نفسك عاجز
تدور على حد تستمد منه قوتك تلاقيه
بس تلاقى جنبيه الى بيموتك
تدور على دموعك تلاقيها خلصت
متلاقيش غير انك تحضن نفسك بعيد
من غير ما حد يشوفك او يحس بيك
عشان ترجع تانى وانت راسم الابتسامه الجميله على وشك
اللى بتدارى وراها اااه محدش يسمعها او يحس بيها غيرك
بتنزف من جوه
بس من بره صافى وجميل
بتصرخ وتقول اه
بس على وشك هدوء الدنيا
تمثل انك لوحدك اقوى ومسيطر على كل حاجه
بس انت من اضعف مخاليق ربنا
محتاجله قوى
بس عمرك ما هتتطلبها منه
تدور على حاجه تشغل بيها نفسك عشان تمثل عليها انك نسيت وارتحت
بس الواقع انك بتموتها اكتر
بس هانعمل ايه
هيه دى الدنيا
محدش فيها مرتاح
الحمد لله على كل حال

احاسيس

اوقات كتيير بيكون جوانا مشاعر نفسنا لو نقدر نطلعها

بس مش بنعرف نطلعها

يمكن عشان خوفنا ان مشاعرنا دى تتفهم غلط

او يمكن عشان مش واثقين فى الناس اللى حوالينا انهم يفهموا مشاعرنا دى صح

طب نعمل ايه لو كنت خلاص مش قادر ونفسك تتطلع اللى جواك بس خايف

انا شخصيا كنت زمان بكتب بس مكنتش بحب حد يقرا اللى كتبته

لكن دلوقت قررت انى اكتب واطلع كل اللى جوايا ومش هايهمنى حد

مدام مش بجرح حد باللى انا بكتبه

فى مدونتى مدونه احاسيس هاطلع كل احاسيسى ومش هاكتمها